ليس بالخبز وحده يحيا الانسان

من فترة وانا بدأت ادرك ان التعليم المسيحيى في ذهنى وزى ما اتعلمته في الكنيسة - وانا روحت وحضرت في كنائس 3 انجيلية مختلفة - أحيانًا بيكون مش متوازن واخد حته من هنا وحته من هناك - مش متوازن لانه بيركز على حقائق معينه وينسى حقائق تانية
بنركز على النعمة ونسيب الجهاد
بنركز على الصلاة ونسيب الصوم
بنركز على تسديد الله للاحتياج ونسيب العطاء المسيحى
بنركز على التسامح والرحمة ونسيب العدل

.. النهاردة وانا سرحانه في آية "ليس بالخبز وحده يحيا الانسان" لقيت ان الايه ديه مش بتقول ان الخبز مش مهم لا بالعكس هى بتأكد على اهميته وبتقول ان الانسان بيحيا بالخبز ............ لكن مش الخبز وحده.

"كل اللى انا محتاجه هو انت " كلمات ترنيمة مسيحية ............ بس هل حقيقى أن كل اللى محتاجه الانسان هو الله

لا الانسان محتاج فلوس علشان يجيب العيش علشان يعيش فهو محتاج فرصة عمل

الانسان محتاج علاقات عميقة

الانسان محتاج النوم والجنس

الانسان محتاج الراحة والاستجمام

الانسان محتاج للصداقه وللاسرة

الانسان محتاج لمشروع وهدف يعيش علشانه

التوازن مهم - دعوة لاعاده ترتيب الافكار في ذهنى - لاعاده تفسير المصطلحات - واعادة التفكير في المعانى والاولويات

والتوازن مهم