في طريقى شوفت لوحة مكتوب فيها "مصر فوق الجميع"، ومكنتش فاهمها
مين مصر اللى فوق، ومين هما الجميع دول
وليه مصر كائن منفصل عن هذا الجميع
جميع العمال المطالبيين بحقوقهم، وجميع الثوار المعترضيين على الظلم
جميع الموظفيين المطالبيين بظروف عمل افضل، جميع المصريين باحلامهم
بطلباتهم بتظلماتهم بمستقبلهم، هل مصر منفصله عن كل هذا؟!!!!!كنت اظن ان مصر هى لوسى وبنتها وجيرانها وعيلتها في القاهرة واسكندرية والصعيد
واصدقائها وكل البشر حواليها
كنت اظن ان مصر هى احلامنا واحزانا - اللوحة ديه بتقول حاجة تانى
لقيت لوحة تانى بتقول "مصر فوق اى فرد"
اصبحت انا كفرد مليش قيمة
اصبحت انا كفرد لا انتمى لمصر
اصبحت انا كفرد نمرة اثنيين - ونمرة واحدة مش واضحة هى مين
مصر بتاعتهم هى مؤسساتهم اللى لازم تمشى وتجيب فلوس فيقدروا يسرقوا
مصر بتاعهم هى خططهم اللى لازم تتنفذ ومش مهم احلامنا ومش مهم مظاهرتنا ومطالبتنا
مصر بتاعتهم هى كبريائهم اللى مش عايز يسمع لينا
مصر بتاعتى هى كل المصريين - كل الحقوق - كل الاحلام
مصر بتاعتى فوق شلة الحرامية اللى بتحكمها
ليست هناك تعليقات:
إرسال تعليق